Aug 7, 2019

You Are Here: Home / 7 Aug 2019

ഡോ. രാജ്കുമാർ സ്‌നേഹത്തിന്റെ പ്രതീകം
-മോഹൻലാൽ

Categories:

ബംഗളൂരൂ യാത്രകളിൽ ഡോ. രാജ്കുമാറിന്റെ പാട്ടുകൾ കേൾക്കുക എന്നത് എനിക്കൊരു പതിവാണ്. 30- ലേറെ വർഷമായി ബംഗളൂരുവിൽ പോകുന്ന ഒരാളാണ് ഞാൻ. അപ്പോഴെല്ലാം രാജ്കുമാർ സാറിന്റെ ഗാനങ്ങൾ എന്നിലേക്ക് അറിയാതെ ഒഴുകിയെത്തും. മറ്റൊരു നഗരത്തിൽ സഞ്ചരിക്കുമ്പോഴും ഈയനുഭവം എനിക്കുണ്ടായിട്ടില്ല. എയർപോർട്ടിൽ നിന്ന് എന്നെ പതിവായി പിക്കുചെയ്യാറുള്ളത് ഡ്രൈവർ അനിലാണ്. യാത്ര തുടങ്ങുമ്പോൾ തന്നെ അനിൽ രാജ്കുമാർ സാറിന്റെ പാട്ടുവയ്ക്കും. ആ ശബ്ദമാധുരി എന്നെ ബാല്യകാല ഓർമകളിലേക്ക് കൂട്ടിക്കൊണ്ടുപോകും. രാജ്കുമാർ എന്ന നടനെ വെള്ളിത്തിരയിൽ കണ്ട് ആവേശംകൊണ്ട ഒരു ബ്ലാക്ക് ആന്റ് വൈറ്റ് കാലത്തിലേക്ക്. നടനും ഗായകനും അതിലുപരി വ്യക്തിത്വമഹിമയുടെ മൂർത്തരൂപവുമായ രാജ്കുമാർ എന്ന വിസ്മയാനുഭവത്തിലേക്ക്.

മലയാളികൾക്ക് അത്രയേറെ സുപരിചിതനല്ലെങ്കിലും മരണശേഷവും ഏറെ ഫാൻ ഫോളോയിങ്് ഉള്ള ആക്ടർമാരിൽ ഒരാളാണ് രാജ്കുമാർ സാർ. ശിവാജി ഗണേശനും നാഗേശ്വര റാവുവിനുമൊപ്പം അഭിനയിക്കാൻ ഭാഗ്യം ലഭിച്ച എനിക്ക് രാജ്കുമാറിനൊപ്പം അതിനു കഴിയാതെപോയത് ഭീമമായ നഷ്ടം തന്നെയാണ്. ഒരുപാട് ഭാഗ്യങ്ങൾ നൽകിയ സിനിമ അങ്ങനെയൊന്ന് എന്നിൽ ചൊരിയാഞ്ഞത് എന്തുകൊണ്ടാവാം? ഒന്നിച്ചഭിനയിച്ചില്ലെങ്കിലും അടുത്ത സൗഹൃദം സൂക്ഷിക്കാൻ കഴിഞ്ഞതും ഇപ്പോൾ അദ്ദേഹത്തിന്റെ മകൻ പുനീത് രാജ്കുമാറിനൊപ്പം ഒരു കന്നട ചിത്രത്തിൽ അഭിനയിക്കാൻ അവസരം ലഭിച്ചതും സിനിമ നല്കിയ ഭാഗ്യമായി തന്നെയാണ് ഞാൻ കാണുന്നത്.

രാജ്കുമാർ സാറിന്റെ സിനിമകൾ ശ്രദ്ധിച്ചിട്ടുണ്ട്. പുരാണ കഥാപാത്രമായും ആക്ഷൻ ഹീറോയായും റൊമാന്റിക് ഹീറോയായും കൊമേഡിയനായുമൊക്കെയുള്ള അദ്ദേഹത്തിന്റെ അഭിനയം ഇന്നും എന്നിൽ വിസ്മയം തീർക്കുന്നു. ‘ചന്ദനക്കാട്’, ‘ഗന്ധതഗുഡി’, ‘രണധീര കണ്ഠീരവ’, ‘ജീവനചൈത്ര’, ‘കസ്തൂരി നിവാസ’, ‘ഇമ്മാദിപുലികേശി’, ‘ശങ്കർ ഗുരു’, ‘ബംഗാരദ മനുഷ്യ’, ‘ആകസ്മിക’, ‘ഭക്ത പ്രഹ്ലാദ’ തുടങ്ങിയ സിനിമകൾ ഇന്നും മനസിൽ നിറഞ്ഞുനിൽക്കുന്നു.

ബംഗളൂരുവിൽ പോയാൽ രാജ്കുമാർ ചിത്രങ്ങൾ കാണാതെ ഞാൻ മടങ്ങാറില്ല. സാറിന്റെ സിനിമകൾ തന്ന അനുഭവമാണ് വിഷ്ണുവർദ്ധനന്റെയും അംബരീഷിന്റെയും ചിത്രങ്ങൾ കാണാൻ എനിക്ക് പ്രേരണയായത്. നടനെന്ന നിലയിലും ഗായകനെന്ന നിലയിലും അദ്ദേഹം എന്റെ ആരാധനാ പാത്രമായിരുന്നു. എന്തുമാത്രം പാട്ടുകളാണ് അദ്ദേഹം പാടി അഭിനയിച്ചിട്ടുള്ളത്! പിന്നണി ഗായകനുള്ള ദേശീയാംഗീകാരം വരെ സാറിനു ലഭിച്ചു. കന്നട സിനിമ ഇൻഡസ്ട്രി മുഴുവൻ നിയന്ത്രിക്കാനുള്ള വ്യക്തിപ്രഭാവവും നേതൃശേഷിയും അദ്ദേഹത്തിനുണ്ടായിരുന്നു. തമിഴ്മക്കൾക്കിടയിൽ എം.ജി.ആറിനുള്ള ദൈവീക പരിവേഷം പോലൊന്ന് രാജ്കുമാറിന് കന്നടയിലുണ്ടായിരുന്നു. രാഷ്ട്രീയ പ്രതിഛായ കൊണ്ടു കൂടിയാണ് ആ പരിവേഷം എം.ജി.ആറിന് ലഭിച്ചതെങ്കിൽ കലയിലൂടെ മാത്രമാണ് അത് രാജ്കുമാറിനെ തേടിയെത്തിയത്.

തിരശീലയിൽ മാത്രം പരിചയമുള്ള സാറിനെ ആദ്യമായി കാണുന്നതും പരിചയപ്പെടുന്നതും ബംഗളൂരുവിലെ എന്റെ സുഹൃത്ത് മാത്യു വഴിയാണ്. ഏറെ സവിശേഷതകളുള്ള വ്യക്തിയാണ് മാത്യു. പലപ്പോഴും സാറിന്റെ വീട്ടിൽ പോകാറുണ്ട്. സാറിന്റെ മക്കൾ മാത്യുവിന്റെ സുഹൃത്തുക്കളാണ്. ‘മോഹൻലാലിന്റെ സുഹൃത്താണ്’ എന്നു പറഞ്ഞാണ് മാത്യുവിനെ മക്കൾ ആദ്യം പരിചയപ്പെടുത്തിയത്. അതു കേട്ടപ്പോൾ സാർ പറഞ്ഞത്രേ: ‘എനിക്കൊരു പാട് ഫാൻസുണ്ട്. പക്ഷേ, ഞാൻ മോഹൻലാലിന്റെ ഫാനാണ്. ലാലിന്റെ കുറേ പടങ്ങൾ ഞാൻ കണ്ടിട്ടുണ്ട്. എനിക്കദ്ദേഹത്തെ ഒന്നു കാണണം.’
ഈ വിവരം മാത്യു എന്നോട് പറഞ്ഞു. അങ്ങനെയാണ് സാറിനെ കാണാൻ ഞാൻ ബംഗളൂരുവിലെ വീട്ടിൽ പോകുന്നത്. വീടിന്റെ പടികൾ കയറിവന്ന എന്നെ ‘ഞാൻ നിന്റെ പെരിയ ഫാൻ; വാ…’ എന്നുപറഞ്ഞ് കെട്ടിപ്പിടിച്ചു കൊണ്ടാണ് അദ്ദേഹം സ്വീകരിച്ചത്. ഏറെ വശ്യതയുള്ള ഒരാളായിരുന്നു രാജ്കുമാർ സാർ. അദ്ദേഹം നന്നായി യോഗ ചെയ്തിരുന്നു. കെട്ടിപ്പിടിച്ചപ്പോൾ ഒരുനിമിഷം വല്ലാത്തൊരു എനർജി എന്റെ ശരീരത്തിൽ ഫീൽ ചെയ്തത് യോഗയുടെ ഫലമാകാം. അന്ന് സാറുമായി ഒരുപാട് സംസാരിച്ചു. എന്റെ സിനിമകളെക്കുറിച്ചും കഥാപാത്രങ്ങളെ കുറിച്ചുമൊക്കെ അദ്ദേഹം വാചാലനായി. അത് രാജ്കുമാർ എന്ന മഹാനടൻ മോഹൻലാൽ എന്ന നടനു നല്കിയ ആദരവു കൂടിയായിരുന്നു.

subscribe

P K Abdulla Koya a gulf success story
-പി.കെ. അബ്ദുള്ള കോയ / പി. ടി. ബിനു

Categories:

പി.കെ. അബ്ദുള്ള കോയയുടെ ജീവിതം വിജയങ്ങളുടെ യാത്രയാണ്. ഗൾഫിൽ വിജയം കൈവരിച്ച മലയാളികളിൽ പ്രമുഖനായ അബ്ദുള്ള കോയ 1978-ലാണ് തൊഴിൽ തേടി യു.എ.യിലെത്തുന്നത്. കോഴിക്കോട് സ്വദേശിയായ അദ്ദേഹം 1981-ലാണ് സ്വന്തമായി ബിസിനസ് ചെയ്യാൻ ആരംഭിക്കുന്നത്. പ്രിന്റിങ്ങുമായി ബന്ധപ്പെട്ട് ‘ആഡ്പ്രിന്റ്’ എന്ന സ്ഥാപനം തുടങ്ങിയായിരുന്നു ബിസിനസിലേക്കുള്ള വരവ്. തുടർന്ന്, സ്റ്റാമ്പ് നിർമാണ കമ്പനിയായ സൺസ്റ്റാമ്പർ ആരംഭിച്ചു. ഇന്ന് ഏഷ്യ, മിഡിൽ ഈസ്റ്റ്, ആഫ്രിക്ക, ഓസ്‌ട്രേലിയ, യു.കെ., ചൈന, സിങ്കപ്പൂർ, പാപുവ ന്യൂഗ്വിനിയ എന്നീ രാജ്യങ്ങളിൽ പ്രവർത്തിക്കുന്നു. റൂഫിങ് ടൈലുകളും അനുബന്ധ ഉത്പന്നങ്ങളും നിർമിക്കുന്ന കോഴിക്കോടുള്ള നാഷണൽ ടൈൽ ഫാക്ടറി, കെട്ടിട നിർമാണാവശ്യങ്ങൾക്കുള്ള കല്ലുകളും ലോഹവും നിർമിക്കുന്ന ബീറ്റാ ഗ്രാനൈറ്റ്‌സ്, സ്റ്റാമ്പ് നിർമാണത്തിനുള്ള ഫോമും പ്ലാസ്റ്റിക് ഭാഗങ്ങളും നിർമിക്കുന്ന കമ്പനി, ടി.എം.ടി സ്റ്റീൽ നിർമിക്കുന്ന വാളയാർ സ്റ്റീൽസ് എന്നിവയും അബ്ദുള്ള കോയയുടെ ബിസിനസ് സ്ഥാപനങ്ങളാണ്. പ്രവർത്തന മേഖലയിലെ വിജയത്തിന് 2018-ലെ ‘ഗർഷോം’ അന്താരാഷ്ട്ര പുരസ്‌കാരം അബ്ദുള്ള കോയയ്ക്കു ലഭിച്ചിട്ടുണ്ട്. ജപ്പാനിൽ വച്ചു നടന്ന ചടങ്ങിൽ ‘ലൈഫ്‌ടൈം’ അച്ചീവ്‌മെന്റ്’ വിഭാഗത്തിലാണ് അദ്ദേഹത്തിന് അവാർഡ് ലഭിച്ചത്. ഷെയ്ഖ് സെയ്ദ് ഇന്റർനാഷണൽ എക്‌സലൻസ് അവാർഡ്, ഏഷ്യാനെറ്റ് ഗ്ലോബൽ ബിസിനസ് എക്‌സലൻസ് അവാർഡ് തുടങ്ങിയ പ്രമുഖ ബഹുമതികളും അദ്ദേഹത്തെ തേടിയെത്തിയിട്ടുണ്ട്. അബ്ദുള്ള കോയ ഞാൻ മലയാളിക്ക് അനുവദിച്ച പ്രത്യേക അഭിമുഖം.

  • പ്രവാസം
    1978-ലാണ് യു.എ.യിലെത്തുന്നത്. മുംബൈയിൽ നിന്ന് കപ്പലിലാണ് ഗൾഫ് മണ്ണിൽ കാലുകുത്തുന്നത്. അക്കാലത്ത് കപ്പലിലാണ് ആളുകൾ ഗൾഫ് രാജ്യങ്ങളിലേക്ക് എത്തിയിരുന്നത്. 1980 ആയപ്പോഴേക്കും കപ്പൽ യാത്രകൾ അവസാനിച്ചിരുന്നു. റാഷിദ് പോർട്ടിലാണ് കപ്പലുകൾ വരിക. റാഷിദ് പോർട്ടൽ ഇന്ന് ഏഷ്യയിലെ ഒന്നാമത്തെയും ലോകത്തിലെ രണ്ടാമത്തെയും പോർട്ടാണ്. പോർട്ടിലെത്തിയാൽ അവിടത്തെ ഉദ്യോഗസ്ഥർ വരും. നമ്മുടെ കൈവശമുള്ള രേഖകൾ പരിശോധിച്ച് വിസ തരും. വളരെ ലളിതമായ നടപടികളായിരുന്നു അന്ന്. യു.എ.ഇയിൽ വളർച്ചയുടെ ആദ്യനാളുകളിലായിരുന്നു അന്ന്. ധാരാളം തൊഴിലവസരങ്ങൾ ഉണ്ടായിരുന്നു. ഇന്ത്യയിൽ നിന്നു മാത്രമല്ല, മറ്റു രാജ്യങ്ങളിൽ നിന്നും തൊഴിലന്വേഷകർ എത്തിയിരുന്നു.
    അന്ന് ഇന്നത്തെപ്പോലെ റിക്രൂട്ടിങ് സംവിധാനങ്ങളൊന്നുമില്ല. പലരും ബന്ധുക്കൾ വഴിയും സുഹൃത്തുക്കൾ വഴിയുമാണ് ഗൾഫിലെത്തിയിരുന്നത്. താരതമ്യേന വിദ്യാഭ്യാസം കുറഞ്ഞവരായിരുന്നു തൊഴിൽ തേടിയെത്തിയിരുന്നവരിൽ ഭൂരിഭാഗവും. അന്ന് വലിയ കമ്പനികളൊന്നുമുണ്ടായിരുന്നില്ല. ഉണ്ടായിരുന്ന കമ്പനികളിലൊക്ക നല്ല ജോലികൾ ചെയ്തിരുന്നത് അറബികളോ അല്ലെങ്കിൽ അവരുടെ ഭാഷ നന്നായി കൈകാര്യം ചെയ്യുന്നവരോ ആയിരുന്നു. ഈജിപ്ത്, സുഡാൻ, ലെബനൻ തുടങ്ങിയ രാജ്യങ്ങളിൽ നിന്നുള്ളവരാണ് സർക്കാർ തലത്തിൽ അല്ലെങ്കിൽ കമ്പനികളിലെ ഓഫിസർ ഗ്രേഡുകളിൽ ജോലി ചെയ്തിരുന്നത്. ഡിഫൻസിൽ പോലും വിദേശികളായിരുന്നു കൂടുതൽ. അക്കാലത്ത് സുഡാനികളായിരുന്നു വിദ്യാഭ്യാസപരമായി ഉയർന്നുനിന്നിരുന്നത്. അതുകൊണ്ട് അവരെല്ലാം ഉയർന്ന ജോലികൾ ചെയ്യുന്നവരായിരുന്നു.
  • അക്കാലത്തെ തൊഴിൽ സാഹചര്യങ്ങൾ

യു.എ.ഇയുടെ വളർച്ചയുടെ ആദ്യഘട്ടമായിരുന്നു അക്കാലം. ധാരളാം തൊഴിലവസരങ്ങൾ ഉണ്ടായിരുന്നു. മലബാർ മേഖലയിൽ നിന്നുള്ളവരാണ് അക്കാലത്ത് അധികവും ഗൾഫിൽ എത്തിയിരുന്നത്. മലയാളികൾക്ക് ‘മലബാറികൾ’ എന്നും ഗൾഫിൽ വിളിപ്പേരുണ്ടല്ലോ. ആദ്യകാലങ്ങളിൽ എത്തിയിരുന്നവർ വിദ്യാഭ്യാസം കുറഞ്ഞ ആളുകളായിരുന്നതുകൊണ്ട് മികച്ച ജോലിസാധ്യതകളൊന്നും അവർക്കുണ്ടായിരുന്നില്ല. ചെറുകിട ജോലികളാണ് അവർക്ക് കിട്ടിയിരുന്നത്. എൺപതുകളുടെ തുടക്കത്തിലാണ് ഗൾഫിലേക്കുള്ള മലയാളികളുടെ വൻ കടന്നുവരവുണ്ടാകുന്നത്. കേരളത്തിന്റെ എല്ലാ മേഖലയിൽ നിന്നും ആളുകളെത്തി. വലിയ വിദ്യാഭ്യാസമുള്ളവരും എത്തിത്തുടങ്ങി. ഉയർന്ന തൊഴിൽ സാഹചര്യങ്ങൾ മലയാളിക്കും ഗൽഫിൽ ലഭിച്ചു തുടങ്ങി.
ഞാൻ ഇവിടെ എത്തിയത് ഹോട്ടൽ ജീവനക്കാരനായി എത്തുന്നത്. മുംബൈയിൽ നിന്ന് 14 പേരുടെ സംഘമായായിരുന്നു യു.എ.ഇയിലേക്കുള്ള യാത്ര. കഷ്ടപ്പാടുകളില്ലാത്ത ഒരു ജീവിതം സ്വപ്‌നം കണ്ടാണ് ഗൾഫിൽ എത്തുന്നത്. ഹോട്ടൽ ജീവനക്കാരനു ശേഷം വിവിധ തൊഴിലുകൾ ചെയ്തു. പിന്നീട് സ്വന്തമായി എന്തെങ്കിലും ആരംഭിക്കണമെന്ന് തോന്നി. ചിലരുടെ സഹായത്തോടെ ചെറുകിട ബിസിനസ് ആരംഭിച്ചു.

  • ആഡ് പ്രിന്റ്

1981-ലാണ് ആഡ് പ്രിന്റ് എന്ന സ്ഥാപനം ആരംഭിക്കുന്നത്. ബിസിനസുകാരനാകണം എന്ന മോഹിച്ച് ബിസിനസിലേക്ക് എത്തിയതല്ല. നിലനിൽപ്പിന്റെ പ്രശ്‌നങ്ങളുടെ ഭാഗമായാണ് ബിസിനസിലേക്കു വരുന്നത്. ഹോട്ടൽ, റെഡിമെയ്ഡ് ഷോപ്പ് എന്നീ ബിസിനസുകളാണ് ആദ്യം തുടങ്ങിയത്. എന്നാൽ, അതൊന്നും ലാഭകരമായിരുന്നില്ല. ഒരിക്കൽ, ലീവിന് നാട്ടിൽ വന്നപ്പോഴാണ് പ്രിന്റിങ് മേഖലയുമായി കൂടുതൽ പരിചയപ്പെടുന്നത്. പ്രിന്റിങ്ങിൽ പ്രവർത്തിക്കുന്ന ചില സുഹൃത്തുക്കൾ ഉണ്ടായിരുന്നു. അങ്ങനെയാണ് സ്‌ക്രീൻ പ്രിന്റിങ് എന്ന ടെക്‌നോളജി പരിചയപ്പെടുന്നത്. അറിഞ്ഞപ്പോൾ അതിൽ താത്പര്യം തോന്നി. സ്‌ക്രീൻ പ്രിന്റിങ് ചെയ്യുന്നത് കണ്ടു പഠിച്ചു.
സ്‌ക്രീൻ പ്രിന്റിങ് യു.എ.ഇയിൽ തുടങ്ങാൻ ആഗ്രഹിച്ചു. അന്ന് ഇക്കാലത്തെപ്പോലെ കംപ്യൂട്ടർ ഡിസൈനിങ് സംവിധാനങ്ങളൊന്നുമില്ല. എല്ലാം മാനുവലായാണ് ചെയ്യുന്നത്. സ്‌ക്രീൻ പ്രിന്റിങ് കമ്പനി എനിക്ക് കൂടുതൽ ബിസിനസ് അടുപ്പം നേടിത്തന്നു.

subscribe

പ്രതിഭകളുടെ പിറവി; തന്റേടത്തിന്റെയും
-മധു

Categories:

പ്രതിഭകളുടെ നീണ്ട നിരയാൽ സമൃദ്ധമാണ് വർത്തമാനകാല മലയാള സിനിമ. കാലത്തിന്റെ കുത്തൊഴുക്കിൽ ഓർമകളും സംസ്‌കാരവുമൊക്കെ വലിയൊരളവിൽ നമ്മിൽ നിന്നകന്നുപോകുന്നുണ്ടെങ്കിലും മറ്റേതു ഭാഷാചിത്രങ്ങളേക്കാളുമധികം പ്രതിഭാധനർ മലയാള സിനിമയിലാണെന്ന കാര്യം ഏതൊരു മലയാളിയെ സംബന്ധിച്ചിടത്തോളം അഭിമാനമുളവാക്കുന്നതാണ്. സംവിധായകരും എഴുത്തുകാരും നടീനടന്മാരും ടെക്‌നീഷ്യന്മാരുമായി കൊച്ചുപിള്ളേർവരെ സിനിമയുടെ ലോകത്തേക്ക് ദിനംപ്രതി കടന്നുവന്നുകൊണ്ടിരിക്കുകയാണ്. ഇതിൽ എത്ര പേർ സ്വന്തമായി തരംഗങ്ങൾ സൃഷ്ടിച്ചു മുന്നേറുന്നുണ്ട് എന്നത് മറ്റൊരു വിഷയമാണെങ്കിലും പുതുതായി രംഗത്തെത്തുന്നവരാരും മോശക്കാരല്ല. ചിലർ ഒന്നോ രണ്ടോ ചിത്രങ്ങളിലൂടെ ശ്രദ്ധേയമാകുകയും അതേ വേഗതയിൽ വിസ്മരിക്കപ്പെട്ടു പോകുകയും ചെയ്യുന്നുണ്ട്. ന്യൂ ജനറേഷൻ സിനിമ എന്നത് പുതിയ പ്രയോഗമാണെങ്കിലും അത് സിനിമയുടെ ചരിത്രത്തിന്റെ ഓരോ ഘട്ടങ്ങളിലും തുടർന്നുവന്നിട്ടുണ്ട്. പുതുതായി കണ്ടെത്തുന്ന, അവതരിപ്പിക്കപ്പെടുന്ന എന്തും ന്യൂ ജനറേഷനാണ് എന്നു പറഞ്ഞ് പ്രത്യേക ലേബലിൽ ഒതുക്കപ്പെടേണ്ടതല്ല. സിനിമയെ സംബന്ധിച്ചിടത്തോളം പുതിയ ഓരോ കലാസൃഷ്ടികളും പ്രതിഭകളുടെ തന്റേടത്തിൽനിന്നും പിറവിയെടുക്കുന്നതാണ്. താരങ്ങളും താരാധിപത്യവും ഇല്ലാതെ തന്നെ കുറഞ്ഞ ബഡ്ജറ്റിൽ ഏറ്റവും മികച്ച സിനിമകൾ ഉണ്ടാക്കാൻ കഴിയുമെന്ന് എന്നും തെളിയിച്ചിട്ടുള്ളത് പുതുമുഖങ്ങൾ തന്നെയാണ്. അത് എഴുത്തുകാരനും സംവിധായകനും ആർട്ടിസ്റ്റുകളും ടെക്‌നീഷ്യൻമാരും തമ്മിലുള്ള ഒരു കൂട്ടായ്മയിൽനിന്നും രൂപപ്പെടുന്നതാണ്. മലയാള സിനിമയുടെ വർത്തമാനത്തിലും താരാധിപത്യം കൊടികുത്തി വാഴുമ്പോഴും അതിനെയെല്ലാം മറികടന്ന് മികച്ച സിനിമകൾ ഉണ്ടാകുന്നു എന്നത് വലിയൊരു മാറ്റത്തിന്റെ സൂചനതന്നെയാണ്.

ഏറ്റവും താരമൂല്യമുള്ള നടന്റെ ചിത്രത്തേക്കാളും ബോക്‌സ് ഓഫീസ് കളക്ഷൻ നേടുന്നത് ചിലപ്പോൾ പുതുതായി രംഗത്തെത്തുന്നവരുടെ കൂട്ടായ്മയിൽ രൂപപ്പെടുന്ന ചലച്ചിത്രങ്ങളിലൂടെയാണ്. സത്യനും പ്രേംനസീറും സൃഷ്ടിച്ച തരംഗങ്ങൾ ജയനും സോമനും സുകുമാരനും മറ്റൊരു ദിശയിലേക്ക് മാറ്റിയെഴുതി. തുടർന്നുവന്ന മമ്മൂട്ടിയും മോഹൻലാലും വ്യത്യസ്തമായ നടനരീതിയിലൂടെ അഭിനയകലയ്ക്ക് പുതിയ പുതിയ ഭാഷ്യങ്ങൾ ചമച്ചു. അത് പതിറ്റാണ്ടുകൾ പിന്നിട്ടിട്ടും തുടരുന്നുവെന്നത് അവരിലെ പ്രതിഭയുടെ വിസ്‌ഫോടനം തന്നെയാണ്. ഓരോ കാലത്തും സിനിമയുടെയും പ്രേക്ഷകരുടെയും ആസ്വാദനത്തിന്റെയും രീതികൾ മാറിക്കൊണ്ടേയിരിക്കും. പക്ഷേ, പുതുതലമുറയിൽ നിന്നും നമ്മൾക്ക് ഏത്ര പേരെ പ്രതീക്ഷിക്കാനുണ്ട്? പ്രതിഭകൾ ധാരാളമുണ്ട്. എന്നാൽ, അവരുടെ സൃഷ്ടികൾ രണ്ടോ മൂന്നോ കടന്നുപോകുന്നില്ല. വീണ്ടും പുതിയ നിര വന്നുകൊണ്ടിരിക്കുന്നു. ഇന്നത്തെ മലയാള സിനിമയിലെ നവതരംഗങ്ങൾ ഇങ്ങനെയൊക്കെയാണെന്നതും മറ്റൊരു വസ്തുതയാണ്.

പുതിയ തലമുറയിലെ കുട്ടികൾക്ക് വല്ലാത്തൊരു ധൈര്യമുണ്ട്. ആ ധൈര്യത്തിനൊത്ത സ്വപ്നങ്ങളും. അതാണവർ സിനിമയിലൂടെ പറയാൻ ശ്രമിക്കുന്നത്. ഞാൻ മനസിലാക്കിയിടത്തോളം ഓരോ ചിത്രത്തിനു പുറകിലും അവർ കൂട്ടായ്മയിലൂടെ നെയ്‌തെടുക്കുന്ന അന്വേഷണങ്ങളുടെ പരിസമാപ്തിയാണ്. ആ സ്വപ്നങ്ങളിലേക്ക് അവർ പിടിച്ചു കയറുകയാണ്. സിനിമക്ക് അവർ നൽകുന്ന പേരുപോലും വളരെ കൗതുകം നിറഞ്ഞതാണ്. നീ കൊ ഞാ ചാ (നിന്നെ കൊല്ലും ഞാനും ചാവും), തട്ടത്തിൻ മറയത്ത്, ഓം ശാന്തി ഓശാന, എബിസിഡി, നോർത്ത് 24 കാതം, മലർവാടി ആർട്‌സ് ക്ലബ്, ചാപ്പാ കുരിശ്….. ഇങ്ങനെ പേരിൽ പോലും വർത്തമാനത്തിന്റെ അടയാളമായി പുതിയ തലമുറ അവരുടെ സിനിമകൾ കാഴ്ചവയ്ക്കുന്നു. അതിന് പ്രേക്ഷകപ്രീതിയും ലഭിക്കുന്നു. ഒരർത്ഥത്തിൽ എല്ലാം മാറ്റത്തിന്റെ അടയാളമായി പരിണമിക്കുന്നു. കത്തിജ്വലിക്കുന്ന സൂര്യനു മുന്നിൽ മിന്നാമിന്നുകളുടെ പ്രകാശവർഷങ്ങൾ നമ്മൾ കാണാതെ പോകുന്നില്ല. മാറിയ കാലത്ത് ഒരു തകഴിയോ ഉറൂബോ കേശവദേവോ എസ്. കെ. പൊറ്റെക്കാട്ടോ, എം.ടി. വാസുദേവൻ നായരോ മലയാറ്റൂരോ പുതിയ തലമുറയിൽ നിന്ന് ഉണ്ടാകുന്നില്ല എന്നു പറയുന്നതിൽ ഒരർത്ഥവുമില്ല. പഴയകാലത്ത് സിനിമ ഏറെ ആശ്രയിച്ചിരുന്നത് സാഹിത്യത്തെയായിരുന്നുവെന്നത് യാഥാർത്ഥ്യമാണെങ്കിലും ഇന്നത്തെ കാലത്ത് സാഹിത്യമില്ലെങ്കിലും സിനിമ അതിന്റെ വഴിയെതന്നെ സഞ്ചരിക്കും. പ്രേക്ഷകർ ആഘോഷിച്ച ഒരു സിനിമക്ക് മികച്ച ഒരു കഥ ഉണ്ടായിക്കൊള്ളണമെന്നില്ല. കഥ പറയുന്നതിലെ, ഒരു മുഷിപ്പുമില്ലാതെ കഥ കൊണ്ടുപോകാൻ പുതിയ കുട്ടികൾ നന്നായി പഠിച്ചിട്ടുണ്ട്. അത് ഓരോരുത്തരുടേയും സ്വപ്നവും സ്വപ്നസാഫല്യവുമാണ്.

subscribe

ആഗ്രഹം, നല്ല നടനാകുക
-അൻവർ ഷെരീഫ് / ബി. ഹൃദയനന്ദ

Categories:

ടൊവിനോ നായകനായ ലൂക്കയിലെ അലോഷി എന്ന പൊലീസുകാരൻ. സത്യസന്ധനായ പൊലീസ് ഓഫീസറായി അൻവർ ഷെരീഫ് തിളങ്ങി. ലൂക്കയ്‌ക്കൊപ്പം അൻവറിന്റെ മറ്റൊരു ചിത്രം ജാലിയൻ വാലാ ബാഗിന്റെ ട്രെയിലറും പുറത്തുവന്നു. ലൂക്കയിൽ നിന്ന് തികച്ചും വ്യത്യസ്തമായ വേഷം. ദുൽഖർ സൽമാൻ നായകനായ സലാല മൊബൈൽസിലെ കോഴി മനാഫ് എന്ന ഫണ്ണി വില്ലൻ അൻവർ ഷെരീഫ് എന്ന നടനെ അടയാളപ്പെടുത്തിയ കഥാപാത്രമാണ്. അൻവർ തന്റെ സിനിമാ സ്വപ്‌നങ്ങൾ പങ്കുവയ്ക്കുന്നു.

  • വിവാഹസമ്മാനമായി ആദ്യ ചിത്രം

അക്കു അക്ബറിന്റെ ഭാര്യ അത്ര പോര എന്ന ചിത്രത്തിലാണ് തുടക്കം. സുന്ദരിയേ വാ… ചെമ്പകമേ തുടങ്ങിയ ആൽബങ്ങൾ ചെയ്ത ക്യാമറമാൻ നജീം തളിക്കുളം എന്റെ സുഹൃത്താണ്. നജീമിന്റെ അയൽവാസിയാണ് അക്കു അക്ബർ. നജീമാണ് അദ്ദേഹത്തിനെ പരിചയപ്പെടുത്തിയത്. അദ്ദേഹം എന്നെ വിളിക്കാം എന്നുപറഞ്ഞു. രണ്ടുമൂന്നു തവണ അദ്ദേഹത്തെ ഞാൻ വിളിച്ചു. ശല്യപ്പെടുത്തണ്ട എന്നു കരുതി പിന്നീടു ഞാൻ വിളിച്ചില്ല. ഒരു വർഷത്തിനു ശേഷം ഭാര്യ അത്ര പോരാ എന്ന ചിത്രം പ്ലാൻ ചെയ്യുമ്പോൾ അദ്ദേഹം വിളിയെത്തി. ആ സമയത്തായിരുന്നു എന്റെ വിവാഹം ഉറപ്പിച്ചത്. കല്യാണം ക്ഷണിക്കുന്നതിന്റെ തിരക്കിൽ നിൽക്കുമ്പോഴാണ് അദ്ദേഹത്തിന്റെ ഫോൺ കോൾ. ഇപ്പോഴത്തെ ഗെറ്റപ്പ് കാണണം എന്ന് അദ്ദേഹം പറഞ്ഞു. ഞാൻ അദ്ദേഹത്തെ കാണാൻ എത്തി. നേരിട്ടുകണ്ടപ്പോഴാണ് കല്യാണത്തിന്റെ കാര്യം പറഞ്ഞത്. പതിനാലാം തീയതിയാണ് കല്യാണം. ഷൂട്ടിങ് തുടങ്ങുന്നത് പതിനൊന്നിനും. ഡേറ്റിന്റെ പ്രശ്‌നം പറഞ്ഞു. ഞാനാകെ ടെൻഷനിലായി. കുറെ കാത്തിരുന്ന ശേഷം കിട്ടിയ അവസരമാണ്. ഞാൻ പറഞ്ഞു, കല്യാണത്തിന്റെ പേരിൽ എന്നെ ഒഴിവാക്കരുത്. കല്യാണ ദിവസം കല്യാണം കഴിഞ്ഞയുടൻ ഞാൻ വരാം. ഞാൻ നോക്കട്ടെ എന്നാണ് അദ്ദേഹം പറഞ്ഞത്. അന്ന് സിനിമയിലെ നായിക ഗോപിക വിദേശത്താണ്. അദ്ദേഹം എനിക്ക് കല്യാണം കഴിഞ്ഞ് അഞ്ചു ദിവസത്തെ ഗ്യാപ്പ് തന്നു. അങ്ങനെയാണ് ആദ്യ ചിത്രത്തിൽ ഞാൻ അഭിനയിച്ചത്.

  • കോഴി മനാഫ് കിടുവാണ്

എഡിറ്റർ സിയാൻ ശ്രീകാന്ത് എന്റെ സുഹൃത്താണ്. ദുൽഖർ സൽമാൻ നായകനാകുന്ന സലാല മൊബൈൽസ് എന്ന ചിത്രത്തിന്റെ പ്രീപൊഡക്ഷൻ നടക്കുന്ന സമയം. സിയാൻ ചേട്ടനെ പതിവായി കാണുകയും വിളിക്കുകയും ചെയ്യും. ചേട്ടന് ഞാൻ എന്റെ ഫോട്ടോ അയച്ചുകൊടുത്തു. സിയാൻ ഫോട്ടോ ചിത്രത്തിന്റെ സംവിധായകൻ ശരത് ഹരിദാസിനെ കാണിച്ചു. അദ്ദേഹത്തിന് ഫോട്ടോ ഇഷ്ടമായി. അങ്ങനെയാണ് സലാല മൊബൈൽസിൽ അവസരം കിട്ടിയത്. ചിത്രത്തിനായി കോഴിക്കോട് സ്ലാങ് പഠിക്കണം. അതിനായി ഞാൻ ഒരാഴ്ച കോഴിക്കോട് പോയി നിന്നു. ചിത്രം നിർമിച്ചത് ആന്റോ ജോസഫാണ്. സംഗീതം ഗോപിസുന്ദറും. നായികയായി അഭിനയിച്ചത് നസ്രിയയാണ്. അങ്ങനെ വലിയൊരു പ്രോജക്ടായിരുന്നു അത്. എന്നാൽ, സിനിമ തീയേറ്ററുകളിൽ വേണ്ടത്ര ശ്രദ്ധിക്കപ്പെട്ടില്ല. പിന്നീട് സിനിമ ചാനലുകളിൽ വൻ ഹിറ്റായി. കോഴി മനാഫ് എന്ന കഥാപാത്രത്തെയാണ് ഞാൻ അവതരിപ്പിച്ചത്.

  • അവിചാരിതമായി ഹോംലി മീൽസ്

സലാല മൊബൈൽസ് കണ്ടിട്ടാണ് ഹോംലി മീൽസ് എന്ന ചിത്രത്തിലേക്ക് എന്നെ വിളിച്ചത്. അന്ന് ഞാൻ എറണാകുളത്തേക്ക് താമസം മാറ്റിയിരുന്നു. അന്ന് സിനിമാക്കാരൊന്നും വിളിക്കാറില്ല. എന്നാലും ഞാൻ എപ്പോഴും ശ്രദ്ധയോടെ ഇരിക്കും. എപ്പോഴാണ് വിളിവരുന്നത് എന്ന് പറയാൻ പറ്റില്ലല്ലോ. ഒരു ദിവസം രാവിലെ ഹോംലി മീൽസിന്റെ പ്രൊഡക്ഷൻ എക്‌സിക്യൂട്ടീവ് ഷാഫി ചെമ്മാടിന്റെ കോൾ. അരമണിക്കൂറിനുള്ളിൽ എത്താൻ പറഞ്ഞു. ഉടൻ തന്നെ ഞാൻ അദ്ദേഹത്തെ പോയി കണ്ടു.

  • ഒരു മെക്‌സിക്കൻ സിനിമ അപാരത

ലൂക്കയുടെ നിർമാതാവ് പ്രിൻസ് ഹുസൈൻ എന്റെ സുഹൃത്താണ്. മെക്‌സിക്കൻ അപാരത എന്ന ചിത്രം പ്ലാൻ ചെയ്യുന്ന സമയത്ത് ദുൽഖറിനോട് കഥ പറയാൻ അവസരം കിട്ടുമോ എന്ന് അവൻ എന്നോടു ചോദിച്ചു. ദുൽഖർ സിഐഎ എന്ന സിനിമ ചെയ്യുന്ന സമയമാണ്. ആ ജോണറിലുള്ളതാണ് പ്രിൻസിന്റെ പ്രോജക്ടറും. അന്ന് ടൊവിനോ തോമസ് താരമായിട്ടില്ല. ഗപ്പിയൊക്കെ കഴിഞ്ഞിട്ടേയുള്ളൂ. പക്ഷേ, അവനിലൊരു പ്രതീക്ഷ അന്നും എല്ലാവർക്കും ഉണ്ട്. സംവിധായകൻ ടോം ഇമ്മട്ടിയുടെ മനസിൽ ടൊവിനോ ആണ്. എല്ലാവർക്കും അത് സമ്മതമാകുകയും ചെയ്തു. ഒരു നല്ല വേഷം കിട്ടും എന്ന പ്രതീക്ഷയിൽ ഞാനും പ്രോജക്ടിന്റെ ഭാഗമായി. മെക്‌സിക്കൻ അപാരത വിജയമായി. ഞാനും അതിൽ ഒരു വേഷം ചെയ്തു.

  • ലൂക്കയാണ് താരം

മെക്‌സിക്കൻ അപാരതയ്ക്കു ശേഷം മറ്റൊരു പ്രോജക്ടിനെപ്പറ്റി ഞാനും പ്രിൻസ് ഹുസൈനും ചിന്തിച്ചുതുടങ്ങി. അന്ന് പ്രിൻസ് ഒരു കന്നട സിനിമ ചെയ്തിരുന്നു. പക്ഷേ, സിനിമ പരാജയപ്പെട്ടു. ഒരു പ്രൊഡക്ഷൻ കമ്പനി തുടങ്ങാൻ ഞങ്ങൾ തീരുമാനിച്ചു. മെക്‌സിക്കൻ അപാരതയുടെ എക്‌സിക്യൂട്ടീവ് പ്രൊഡ്യുസർ ലിന്റോ തോമസും ഞങ്ങൾക്കൊപ്പം ചേർന്നു. പക്ഷേ, എനിക്ക് നടനായി അറിയപ്പെടാനാണ് ആഗ്രഹം. മെക്‌സിക്കൻ അപാരതയുടെ സമയത്തുതന്നെ ടൊവിനോയെ നായകനാക്കി മറ്റൊരു പ്രോജക്ട് പ്ലാൻ ചെയ്തിരുന്നു. ലൂക്കയുടെ സംവിധായകൻ അരുൺ ബോസിനെ പരിചയപ്പെടുത്തിയത് ടൊവിനോയാണ്.

ലൂക്കയിൽ അഭിനയിക്കാൻ ആദ്യം പ്ലാനുണ്ടായിരുന്നില്ല. ലൂക്ക പ്രോജക്ട് ആയ ശേഷമാണ് ഞങ്ങളിലേക്ക് എത്തുന്നത്. പ്രധാന അഭിനേതാക്കളെ തീരുമാനിച്ചിരുന്നു. ഒരു പ്രധാന കഥാപാത്രം അവതരിപ്പിക്കേണ്ട നടന്റെ ഡേറ്റിനു ക്ലാഷ് വന്നു. നിതിൻ ജോർജാണ് എന്റെ കഥാപാത്രം ചെയ്യാനിരുന്നത്. അതോടെ ആ നടൻ ചെയ്യേണ്ട വേഷം നിതിനും നിതിൻ ചെയ്യാനിരുന്ന വേഷത്തിൽ ഞാനും വന്നു.

subscribe

ഇഷ്ടം സിനിമയും യാത്രയും
-അരുൺബോസ് / രാജ്കുമാർ

Categories:

ത്രില്ലർ സ്വഭാവമുള്ള പ്രണയകഥ പറയുന്ന ചിത്രമാണ് ടൊവിനോ തോമസും അഹാന കൃഷ്ണയും പ്രധാന വേഷത്തിൽ എത്തിയ ലൂക്ക. കൊച്ചി നഗരത്തിന്റെ പശ്ചാത്തലത്തിലുള്ള ലളിതമായ സിനിമ. ലൂക്ക എന്ന കഥാപാത്രമായാണ് ടൊവിനോ എത്തുന്നത്. പാഴ് വസ്തുക്കളിൽ നിന്നു സൃഷ്ടികൾ ഉണ്ടാക്കുന്ന സ്‌ക്രാപ്പ് ആർട്ടിസ്റ്റ് ആണ് ലൂക്ക. ജീവിതം ശരിക്കും ആസ്വദിക്കുന്നയാൾ. ലൂക്കയോടൊപ്പം വരുന്ന പെൺകുട്ടിയാണ് അഹാനയുടെ കഥാപാത്രം നിഹാരിക. ലൂക്കയുടെയും നിഹാരികയുടെയും പ്രണയമാണ് ലൂക്ക പറയുന്നത്. മദ്രാസ് ക്രിസ്റ്റ്യൻ കോളജിൽ ജേർണലിസം അധ്യാപകനായിരുന്ന അരുൺ ബോസാണ് സംവിധായകൻ. അരുൺ ബോസ് സിനിമയിൽ വഴിതെറ്റി എത്തിയതല്ല. നിരവധി ഡോക്യുമെന്ററികളും ഹ്രസ്വചിത്രങ്ങളും ചെയ്തിട്ടുണ്ട്. പഠനകാലം മുതൽ പാഷനായി സിനിമ മനസിലുണ്ട്. ഒരു തമിഴ് ചിത്രമാണ് അരുൺ ആദ്യം ഒരുക്കിയത്. ലൂക്ക അരുണിന്റെ രണ്ടാമത്തെ ചിത്രമാണ്. ലൂക്കയുടെ വിശേഷങ്ങളും സിനിമ സ്വപ്‌നങ്ങളും അരുൺ പങ്കുവയ്ക്കുന്നു.

ലൂക്കയിൽ എത്തിയത്
………………

ലൂക്കയിൽ എന്റെ സഹ എഴുത്തുകാരൻ മൃദുൽ ജോർജും ഞാനും ഒരേ നാട്ടുകാരും ഒരേ സ്‌കൂളിൽ പഠിച്ചവരുമാണ്. മൂവാറ്റുപുഴ നിർമല സ്‌കൂളിൽ മൃദുൽ എന്റെ ജൂനിയറായിരുന്നു എന്നു മാത്രം. പഠനം കഴിഞ്ഞ് വർഷങ്ങൾക്കു ശേഷമാണ് അവിചാരിതമായി ഞങ്ങൾ വീണ്ടും കാണുന്നതും അടുക്കുന്നതും. പന്ത്രണ്ട് വർഷമായി ഞാൻ ചെന്നൈയിലാണ്. ഒരിക്കൽ ചെന്നൈ നഗരത്തിലൂടെ മറ്റൊരു സുഹൃത്തിനൊപ്പം നടക്കുന്നതിനിടയിൽ സംസാരിച്ച ചെറിയൊരു ത്രെഡിൽ നിന്നാണ് ലൂക്കയുടെ കഥ വികസിച്ചത്. ഒരു പുസ്തകത്തെപ്പറ്റി സംസാരിക്കുന്നതിനിടയിൽ വന്ന ചെറിയ ഒരു ചിന്തയാണ്. ഞങ്ങൾ തമ്മിൽ സംസാരിച്ച് ഒരു സ്റ്റോറി ലൈൻ ഉണ്ടാക്കി. മൃദുലുമായി ചർച്ച ചെയ്ത് രണ്ടുമൂന്നു ദിവസം കൊണ്ട് ഔട്ട്‌ലൈൻ രൂപപ്പെടുത്തുകയും പിന്നീട് തിരക്കഥയാക്കുകയുമായിരുന്നു. തിരക്കഥ പൂർത്തിയാക്കിയ ശേഷമാണ് ടൊവിനോയെ കണ്ടത്.

ടൊവിനോ ലൂക്കയായി
………………………………….

ലൂക്കയുടെ കഥയുമായി 2014 -ലാണ് ആദ്യം ടൊവിനോയെ കാണുന്നത്. സെവൻത് ഡേയും കൂതറയും കഴിഞ്ഞ സമയം. അന്ന് ടൊവിനോയെ എനിക്കു വ്യക്തിപരമായി അറിയില്ല. ലൂക്കയുടെ തിരക്കഥ പൂർത്തിയായ ശേഷം പ്രധാന കഥാപാത്രത്തിന്റ രൂപത്തിനും ഭാവത്തിനും അനുയോജ്യമായൊരു മുഖം തേടുന്നതിനിടെയാണ് ടൊവിനോയുടെ ഒരു ഫോട്ടോ ശ്രദ്ധയിൽപ്പെട്ടത്. ബീച്ചിൽ വൈറ്റ് ഷർട്ട് ഇട്ടുനിൽക്കുന്ന ചിത്രം. മൃദുലാണ് ഈ ഫോട്ടോ എന്നെ കാണിച്ചത്. ഫോട്ടോയിലെ ടൊവിനോയുടെ ലുക്ക് ആണ് ആകർഷിച്ചത്. കഥാപാത്രത്തിന് അനുയോജ്യമാണെന്നു തോന്നി. അങ്ങനെ ഞാനും മൃദുലും തിരക്കഥയുമായി ടൊവിനോയെ സമീപിച്ചു. കഥ കേട്ട് ടൊവിനോയും വളരെ എക്‌സൈറ്റഡ് ആയി.

ആദ്യ കൂടിക്കാഴ്ചയിൽ തന്നെ ടൊവിനോയുമായി ഞങ്ങൾക്ക് മാനസിക ഐക്യം അനുഭവപ്പെട്ടു. ടൊവിനോ കഠിനാദ്ധ്വാനിയും കാര്യഗ്രഹണശേഷിയുള്ളയാളും സിനിമയോട് ഏറെ താത്പര്യമുള്ളയാളുമാണെന്നു തോന്നി. ലൂക്കയായി അപ്പോൾത്തന്നെ ഞങ്ങൾ ടൊവിനോയെ ഉറപ്പിച്ചു. അന്നുതന്നെ അദ്ദേഹം കഥാപാത്രത്തെ പൂർണമായും ഉൾക്കൊണ്ടിരുന്നു. കഥാപാത്രത്തെ നന്നായി ഉൾക്കൊണ്ടാണ് ഞങ്ങളോടു സംസാരിച്ചതും. അതോടെ ലൂക്കയായി ടൊവിനോയെ അല്ലാതെ മറ്റൊരു നടനെ ചിന്തിക്കാൻ പോലും പറ്റാതായി.

കഥാപാത്രങ്ങളെ കണ്ടെത്തിയത്
……………………………….

ഒരു സിനിമാട്ടോഗ്രഫി വർക്ക് ഷോപ്പിലാണ് അഹാനയെ പരിചയപ്പെട്ടത്. ടൊവിനോയെ പോലെ തന്നെ അഹാനയും കഥാപാത്രത്തോട് ഏറെ താത്പര്യം കാട്ടി. അങ്ങനെയാണ് അഹാന നിഹാരികയായത്. ഞങ്ങളോടൊപ്പം നിൽക്കുന്നവരാണ് ഇരുവരും എന്നു മനസിലായതോടെ പ്രധാന കഥാപാത്രങ്ങളായി ടൊവിനോയെയും അഹാനയെയും ഉറപ്പിച്ചു. ടൊവിനോക്കും അഹാനയ്ക്കുമൊപ്പം പ്രധാനപ്പെട്ട കുറെ കഥാപാത്രങ്ങൾ ചിത്രത്തിലുണ്ട്. അവയിൽ ഒന്നിനെ അവതരിപ്പിക്കുന്നത് എന്റെ സുഹൃത്ത് നിതിൻ ജോർജാണ്. സ്‌കൂൾ പഠനകാലം മുതലുള്ള എന്റെ സുഹൃത്താണ്. നിതിൻ സിനിമയിൽ ആദ്യമാണ്. അക്ബർ എന്നാണ് കഥാപാത്രത്തിന്റെ പേര്. വിനീത കോശി ഫാത്തിമ എന്ന കഥാപാത്രമായി എത്തുന്നു. അൻവർ ഷെരീഫ്, ഹരീശ്രീ അശോകൻ, പൗളി വിൽസൺ, ശ്രീകാന്ത് മുരളി, തലൈവാസൽ വിജയ്, നീന കുറുപ്പ്, രാഘവൻ എന്നിവരാണ് മറ്റു താരങ്ങൾ. ചിത്രത്തിൽ അൻവർ ഷെരീഫിന്റേത് അദ്ദേഹം ഇതുവരെ ചെയ്തിട്ടില്ലാത്ത, വളരെ വ്യത്യസ്തമായ വേഷമാണ്.

യാത്രയിൽ ഒരുക്കിയ ചിത്രം
……………………………………

ഞാനും ലൂക്കയിൽ പ്രധാന വേഷങ്ങളിലൊന്നിൽ എത്തിയ നിതിനും ചേർന്ന് നേരത്തെ അലയിൻ ദിശൈ എന്നൊരു തമിഴ് ചിത്രം ഒരുക്കിയിട്ടുണ്ട്. ചെന്നൈ മുതൽ രാമേശ്വരം വരെ യാത്ര നടത്തി ഒരു വർഷം കൊണ്ടു ചെയ്ത സിനിമയാണ്. ഞങ്ങൾ മാത്രമാണ് ചിത്രത്തിന്റെ ക്രൂ. ഫെസ്റ്റിവൽ മൂവിയായാണ് പ്ലാൻ ചെയ്തത്. എന്നാൽ, ഇതുവരെ ഒരിടത്തും ചിത്രം പ്രദർശിപ്പിച്ചിട്ടില്ല. ഈ ചിത്രത്തിന്റെ പോസ്റ്റ് പ്രൊഡക്ഷൻ ടീമാണ് ലൂക്കയ്ക്കും ഉണ്ടായിരുന്നത്.

സൗഹൃദത്തിന്റെ ലൂക്ക
…………………………..

ലൂക്കയുടെ അഭിനേതാക്കളിലും സാങ്കേതിക പ്രവർത്തകരിലും ഭൂരിഭാഗവും എന്റെ സുഹൃത്തുക്കളാണ്. എല്ലാവരും ആത്മാർത്ഥതയോടെ കൂടെ നിന്നു. സിനിമയെപ്പറ്റി എല്ലാവരും നന്നായി മനസിലാക്കിയിരുന്നു. ആദ്യത്തെ തിരക്കഥാ വായന മുതൽ എല്ലാ ചർച്ചകളിലും ചിത്രത്തിൽ വർക്ക് ചെയ്ത എല്ലാവരും ഉണ്ടായിരുന്നു. പ്ലാൻ ചെയ്തതിലും പത്തു ദിവസം മുമ്പ് ഷൂട്ടിങ് പൂർത്തിയാക്കാനും പറ്റി. പ്രൊഡക്ഷൻ സൈഡിൽ നിന്നും വലിയ പിന്തുണയാണ് കിട്ടിയത്. നിർമാതാക്കളായ ലിന്റോ തോമസ്, പ്രിൻസ് ഹുസൈൻ, എക്‌സിക്യൂട്ടീവ് പ്രൊഡ്യൂസർ ഗോകുൽ നാഥ്, പ്രൊഡക്ഷൻ കൺട്രോളർ ജോബ് ജോർജ്, പ്രൊഡക്ഷൻ എക്‌സിക്യൂട്ടീവ് പ്രജീഷ്, പ്രൊഡക്ഷൻ ടീം ക്രിയേറ്റീവ് മേഖലയിൽ ഒട്ടും ഇടപെട്ടതേയില്ല. അതുകൊണ്ടുതന്നെ, ഷൂട്ടിങ്ങിനിടയിൽ സമ്മർദ്ദമൊന്നും തോന്നിയതേയില്ല. എടുത്തുപറയേണ്ട മറ്റൊരു പേര് അസോസിയേറ്റ് ഡയറക്ടർ പ്രവീൺചന്ദ്രനാണ്. ഏറ്റവും കഴിവുള്ള അസോസിയേറ്റ് ഡയറക്ടർമാരിൽ ഒരാളാണ് പ്രവീൺ. സെറ്റിൽ അനാവശ്യമായ സമ്മർദ്ദം തോന്നാത്ത വിധം, ഒച്ചപ്പാടോ ബഹളമോ ഇല്ലാതെ വളരെ നന്നായി ഷൂട്ടിംഗ് മുന്നോട്ടുപോയി.

subscribe

കർക്കടകം ആയുർവേദം ആരോഗ്യം
-ഡോ. പ്രവീണ അരുൺ

Categories:

ആയുർവേദ വിധിപ്രകാരം മനസിനെയും ശരീരത്തെയും ഒരുപോലെ പരിപാലിക്കേണ്ട സമയമാണ് കർക്കടകം. ശരീരത്തിന്റെ അറ്റകുറ്റപ്പണികൾ തീർത്ത് അതിനെ പുനരുജ്ജീവിപ്പിക്കാനുള്ള കാലം. പരമ്പരാഗത ആരോഗ്യ സംരക്ഷണ മാർഗമാണ് കർക്കടക ചികിത്സ. വാതം, പിത്തം, കഫം എന്നീ ത്രിദോഷങ്ങളുടെ സന്തുലനാവസ്ഥയാണ് ആരോഗ്യത്തിന്റെ അടിസ്ഥാന ശില. ഇതിനു ഭംഗം നേരിടുമ്പോൾ ശരീരത്തെ രോഗങ്ങൾ കീഴ്‌പ്പെടുത്തും. വേനലിൽ നിന്നു മഴയിലേക്കു മാറുന്നതോടെ ശരീരബലം കുറയും. ഇതുവഴി നഷ്ടപ്പെടുന്ന പ്രതിരോധശേഷി സുഖചികിത്സയിലൂടെ വീണ്ടെടുക്കാൻ സാധിക്കും. ശരീരത്തിലെയും മനസിലെയും മാലിന്യങ്ങളെ തുടച്ചുനീക്കി ജീവിതത്തെ പുതുക്കിപ്പണിയുക കൂടിയാണ് കർക്കടക ചികിത്സയിലൂടെ. ആരോഗ്യകാര്യത്തിലും ആത്മീയകാര്യത്തിലും ഒരു പോലെ പ്രാധാന്യം നൽകുന്നു എന്നതാണ് ഈ മാസത്തിന്റെ പ്രത്യേകത. പൊതുവേ പഞ്ഞമാസം എന്നാണ് കർക്കടകം അറിയപ്പെടുന്നത്.

സുഖചികിത്സ
………………………

ശരീരത്തിൽ അടിഞ്ഞുകൂടിയിട്ടുള്ള ദോഷങ്ങളെ അകറ്റാനും മനസിനും ശരീരത്തിനും ഊർജം പകരാനുമാണു സുഖചികിത്സ നടത്തുന്നത്. കൃത്യമായ മാർഗങ്ങളിലൂടെ ശരീരത്തിൽ വർധിച്ചിരിക്കുന്ന ദോഷങ്ങളെ പുറത്തേക്കുതള്ളി ആരോഗ്യം നിലനിർത്തുക എന്നതാണ് ഇതിന്റെ ഉദ്ദേശ്യം. പ്രത്യേകിച്ച് അസുഖമൊന്നുമില്ലെങ്കിൽക്കൂടി ശരീരത്തിന്റെ സ്വാസ്ഥ്യം സംരക്ഷിക്കുന്നതിനായി ഈ ചികിത്സ ചെയ്യാവുന്നതാണ്. അധികം ചൂടും തണുപ്പുമില്ലാത്ത കർക്കടകം, ചിങ്ങം മാസങ്ങളാണു സുഖചികിത്സയ്ക്ക് ഉത്തമം. സാധാരണയായി ഏഴ്, 14, 21 ദിവസങ്ങളിലാണു സുഖചികിത്സ ചെയ്യേണ്ടത്. എത്ര ദിവസം ചികിത്സ നടത്തിയാലും അത്രയും നാൾ പഥ്യം പാലിക്കണം. പ്രധാന പഥ്യങ്ങളിൽ ഒന്ന് ബ്രഹ്മചര്യമാണ്. തിളപ്പിച്ചാറിയ വെള്ളം കുടിക്കുക, ലഹരിപദാർത്ഥങ്ങൾ ഉപേക്ഷിക്കുക, പകലുറക്കവും രാത്രിയിൽ ഉറക്കമൊഴിയുന്നതും ഒഴിവാക്കുക, ശരീരം അധികം ഇളകാതെ വിശ്രമിക്കുക, ദേഷ്യം, കോപം, അസൂയ തുടങ്ങിയ ദോഷവികാരങ്ങൾ അകറ്റുക, പ്രാർഥനയ്ക്കു പ്രാധാന്യം കൊടുക്കുക എന്നിങ്ങനെ മനസിനും ശരീരത്തിനും ബാധകമായ പഥ്യങ്ങൾ ഇക്കൂട്ടത്തിൽപ്പെടുന്നു. വസ്തി, കിഴി, ധാര, പിഴിച്ചിൽ തുടങ്ങിയ ആയുർവേദ ചികിത്സകൾ സുഖചികിത്സയിൽ ഉൾപ്പെടുത്താറുണ്ട്.

ഉഴിച്ചിൽ
………………….

ശരീരത്തിന് ഇളപ്പമുള്ള കാലമായതിനാൽ ഉഴിച്ചിലിനും പിഴിച്ചിലിനും കർക്കടകം നല്ല സമയമാണ്. രക്തയോട്ടം വർധിപ്പിക്കുന്നതിനും മൃതകോശങ്ങളെ പുറന്തള്ളി പുതിയ കോശങ്ങളുടെ വർധനയ്ക്കും ശരീരത്തിലെ വിഷവസ്തുക്കളെ പുറത്താക്കുന്നതിനും ഉഴിച്ചിലും പിഴിച്ചിലും നല്ലതാണ്. ഓരോ പ്രായക്കാർക്കും ഓരോ തരത്തിലാണ് കർക്കടകത്തിലെ ചര്യ. കർക്കടക മാസത്തിൽ ചെയ്യുന്ന പഞ്ചകർമ ചികിത്സയാണ് കർക്കടക ചികിത്സ. ശരീരത്തിനു താങ്ങായിരിക്കുന്ന ത്രിദോഷങ്ങളുടെ അസന്തുലിതാവസ്ഥയെ പുന:ക്രമീകരിക്കുന്ന ചികിത്സാരീതികളും പഥ്യാഹാരങ്ങളുമാണ് കർക്കടക ചികിത്സയിലുള്ളത്. ആയുർവേദത്തിൽ പഞ്ചകർമങ്ങളെന്ന് അറിയപ്പെടുന്ന വമനം, വിരേചനം, വസ്തി, നസ്യം, രക്തമോക്ഷം എന്നീ ശോധന ചികിത്സകളാണു പ്രധാനം. പഞ്ചകർമ ചികിത്സകൾക്കു മുമ്പായി സ്‌നേഹ, സ്വേദ രൂപത്തിലുള്ള ക്രിയകൾ (പൂർവകർമങ്ങൾ) ചെയ്യുന്നു. ശരീരധാതുക്കളിൽ വ്യാപിച്ചിരിക്കുന്ന മാലിന്യങ്ങളെ സ്‌നേഹ, സ്വേദങ്ങൾ വഴി പുറത്തെത്തിക്കാൻ കഴിയും. കൂടാതെ ഇലക്കിഴി, അഭ്യംഗം, പിഴിച്ചിൽ, ഞവരക്കിഴി തുടങ്ങിയവയും പൂർവ കർമങ്ങളിൽപ്പെടുന്നു. കർക്കടകത്തിൽ പ്രത്യേകം തയാറാക്കിയ പാത്തിയിൽ കിടത്തി ചെയ്യുന്ന ചികിത്സയാണു പിഴിച്ചിൽ. രോഗമില്ലാത്തവർക്ക് എണ്ണയും കുഴമ്പുകളും ഉപയോഗിക്കുന്നു. രോഗമുള്ളവർക്ക് അവരുടെ രോഗാവസ്ഥയ്ക്കനുസരിച്ചുള്ള ഔഷധങ്ങൾ ചേർത്ത എണ്ണ ഉപയോഗിക്കുന്നു. ശരീരത്തിന്റെ സൗമ്യഭാവം നിലനിർത്താൻ ഉപകരിക്കുന്ന ഞവരക്കിഴി 14, 21 ദിവസങ്ങളിൽ ചെയ്യാറുണ്ട്. ഞവരയരി കിഴിപോലെ കെട്ടി, കുറുന്തോട്ടിക്കഷായവും പാലും ചേർത്തു തിളപ്പിച്ചതിൽ ഇട്ടു വേവിച്ചശേഷം ആ കിഴി മരുന്നിൽ മുക്കി ശരീരം ഉഴിയുന്നു.

തേച്ചുകുളി
……………………….

കർക്കടകത്തിൽ ദിവസേന തേച്ചുകുളി ആയുർവേദത്തിൽ നിഷ്‌ക്കർഷിച്ചിട്ടുണ്ട്. തേച്ചുകുളി വാതം, ക്ഷീണം എന്നിവ ശമിപ്പിക്കുന്നതിനും ജരാനരകൾ തടയുന്നതിനും കാഴ്ചശക്തി, ദേഹപുഷ്ടി, ദീർഘായുസ്, നല്ല ഉറക്കം, തൊലിക്ക് മാർദ്ദവവും ഉറപ്പും എന്നിവയ്ക്കു കാരണമാകുന്നു. തലയിലും ചെവിയിലും ഉള്ളം കാലിലും പ്രത്യേകമായി എണ്ണ തേയ്ക്കണം. കഫം വർധിച്ചിരിക്കുന്നവരും, ഛർദ്ദിപ്പിക്കുക, വയറിളക്കുക എന്നിവയ്ക്കു വിധേയമായിരിക്കുന്നവരും തേച്ചുകുളി നടത്തരുത്. അജീർണമുള്ളവരും എണ്ണ തേയ്ക്കരുത്. പ്ലാവില, വാതം കൊല്ലിയില, ആവണക്കില, കടുക്കതോട് ഇവയിട്ടു തിളപ്പിച്ച വെള്ളം കുളിക്കാൻ ഉപയോഗിക്കാം. രാവിലെ തയാറാക്കിയ കർക്കടക കഞ്ഞി, തേച്ചു കുളികഴിഞ്ഞു കഴിക്കാം. പകലുറക്കം പാടില്ല. കൂടുതൽ അദ്ധ്വാനം, വെയിൽ ഒഴിവാക്കണം. ഭക്ഷണം, വിശ്രമം, മൈഥുനം, ഉറക്കം ഇവ ഏറ്റക്കുറച്ചിലില്ലാതെയും മിതമായും അനുവർത്തിക്കേണ്ട കാലമാണ് കർക്കടകം. വ്യായാമം അധികമാകാതെ ശ്രദ്ധിക്കണം. പനി മുതൽ വയറിളക്കം വരെ നീളുന്ന പകർച്ചവ്യാധികൾ കർക്കടകം എത്താൻവേണ്ടി കാത്തിരിക്കുകയാണ്. നനഞ്ഞ വസ്ത്രങ്ങൾ ഉപേക്ഷിക്കാം. തണുത്ത ഭക്ഷണം പൂർണമായും വർജിക്കണം. എരിവിനും ചവർപ്പിനും മുൻതൂക്കം കൊടുക്കാം. ധാന്യങ്ങളും പയറും കൂടുതൽ കഴിക്കാം. തണുപ്പിൽ വീടിനുള്ളിൽ രോഗാണുക്കളുടെ സാന്നിധ്യം വർധിക്കും. വീടും പരിസരവും പുകയ്ക്കുന്നത് ഇവയെ പുറംതള്ളാനാണ്. ഇതിനായി കുന്തിരിക്കം, ഗുൽഗുലു, അഷ്ടഗന്ധം തുടങ്ങിയ സുഗന്ധവസ്തുക്കൾ ഉപയോഗിക്കാം. മാംസം വർജിക്കണമെന്നില്ലെങ്കിലും ദഹനക്കുറവിന് ഇടയാക്കുന്നതിനാൽ അമിത ഉപയോഗം കുറയ്ക്കണം. മോര് കാച്ചി ഉപയോഗിക്കാം, പക്ഷേ, തൈര് വർജിക്കണം. പകലുറക്കം വിശപ്പു കുറയ്ക്കുകയും ദഹനപ്രക്രിയകളെ പ്രതികൂലമായി ബാധിക്കുകയും ചെയ്യും. മാത്രമല്ല കർക്കടകക്കഞ്ഞിയുടെ പ്രവർത്തനം

subscribe

മനുഷ്യൻ ചന്ദ്രനെ തൊട്ടിട്ട് അമ്പതു വർഷം
-എസ്. സന്ദീപ്

Categories:

‘ഇത് ഒരു മനുഷ്യന്റെ ചെറിയ കാൽവയ്പാണ്; പക്ഷേ, മനുഷ്യരാശിയുടെ വൻ കുതിച്ചുചാട്ടവും.”
നീൽ ആംസ്‌ട്രോങ്.

അമേരിക്കൻ ബഹിരാകാശ യാത്രികനായ നീൽ ആംസ്‌ട്രോങ് 1969 ജൂലൈ 21 ന് പറഞ്ഞ വാചകമാണിത്. ചന്ദ്രനിൽ ആദ്യമായി കാലുകുത്തിയ നിമിഷമാണ് അദ്ദേഹമിതു പറഞ്ഞത്. ചന്ദ്രൻ മനുഷ്യന് മുന്നിൽ തലകുനിച്ചിട്ട് 50 വർഷം പൂർത്തിയാവുന്നു (അമേരിക്കയിൽ ജൂലൈ 20). നീൽ ആംസ്‌ട്രോങ് ചന്ദ്രനിലിറങ്ങി 19 മിനിട്ടിനുശേഷം സഹയാത്രികൻ എഡ്വിൻ ആൾഡ്രിനും ചന്ദ്രനെ തൊട്ടു. ചന്ദ്രനിൽ പാദമുദ്ര പതിപ്പിച്ച രണ്ടാമൻ.
മനുഷ്യനെ ആദ്യമായി ചന്ദ്രനിൽ ഇറക്കിയ അമേരിക്കയുടെ ബഹിരാകാശ ദൗത്യമായിരുന്നു അപ്പോളോ 11. 1969 ജൂലൈ 16ന് ഫ്‌ളോറിഡയിലെ കെന്നഡി സ്‌പേസ് സെന്ററിൽ നിന്നാണ് അപ്പോളോ 11 വിക്ഷേപിക്കപ്പെട്ടത്. അപ്പോളോ 11ന് മുമ്പ് ചന്ദ്രനെ കീഴടക്കാൻ അമേരിക്കയും റഷ്യയും നിരവധി ശ്രമങ്ങൾ നടത്തിയിട്ടുണ്ട്. 1959-ൽ തുടങ്ങിയ ശ്രമങ്ങൾ ലക്ഷ്യത്തിലെത്തിയത് 1966-ലാണ്. 1966 ഫെബ്രുവരി നാലിനു റഷ്യയുടെ ലൂണാ 9 ചരിത്രദൗത്യം പൂർത്തിയാക്കി ചന്ദ്രനിൽ ഇറങ്ങി. ചിത്രങ്ങളെടുത്തു. എന്നാൽ, ആ ദൗത്യത്തിൽ മനുഷ്യൻ ഉണ്ടായിരുന്നില്ല.

അമേരിക്ക – റഷ്യ മത്സരം

ശാസ്ത്രസാങ്കേതിക രംഗത്ത് അമേരിക്കയുടെയും സോവ്യറ്റ് യൂണിയന്റെയും ഇടയിലുണ്ടായിരുന്ന മത്സരബുദ്ധിയാണ് ശാസ്ത്രസാങ്കേതിക രംഗത്തെ ഏറ്റവും വലിയ നേട്ടമായി വിശേഷിപ്പിക്കപ്പെടുന്ന മനുഷ്യന്റെ ചന്ദ്രയാത്രയിലേക്കു വഴിതെളിച്ചത്. ശാസ്ത്രസാങ്കേതിക രംഗങ്ങളിൽ തങ്ങളാണ് ഒന്നാം നിരക്കാർ എന്ന ചിന്ത എല്ലാക്കാലത്തും അമേരിക്കക്കാർക്കുണ്ടായിരുന്നു. വസ്തുതകൾ പരിശോധിച്ചാൽ ഒരു പരിധിവരെ ഇത് സത്യമാണ്. എന്നാൽ, ബഹിരാകാശ ഗവേഷണ രംഗത്ത് അമേരിക്കയെ ഞെട്ടിച്ചുകൊണ്ടാണ് 1957-ൽ സ്പുട്‌നിക് എന്ന ഉപഗ്രഹം സോവ്യറ്റ് യൂണിയൻ (1990-ൽ യൂണിയൻ തകർന്നു) വിക്ഷേപിച്ചത്. വിക്ഷേപണം വിജയമായിരുന്നു. ഭൂമിയെ ഭ്രമണം ചെയ്യുന്ന ആദ്യ കൃത്രിമോപഗ്രഹമായ സ്പുട്‌നിക് മാറി.
നാലു വർഷങ്ങൾക്കുശേഷം യൂറി അലക്‌സെവിച് ഗഗാറിനെ ബഹിരാകാശത്തെത്തിച്ച് സോവ്യറ്റ് യൂണിയൻ വീണ്ടും ചരിത്രം സൃഷ്ടിച്ചു. ഇതോടെ അമേരിക്കയെ സംബന്ധിച്ച് ബഹിരാകാശ ഗവേഷണ രംഗത്ത് തങ്ങളുടെ മേധാവിത്വം വീണ്ടെടുക്കണമെന്ന ചിന്തയുണർന്നു. സോവ്യറ്റ് യൂണിയനൊപ്പമെത്തിയാൽ പോര അതിനുമപ്പുറം സഞ്ചരിച്ചേ മതിയാവൂ എന്ന സാഹചര്യത്തിലാണ്. ഒരു പക്ഷേ, ഇന്നും അതിസാഹസികമെന്നു വിശേഷിപ്പിക്കുന്ന ചാന്ദ്രദൗത്യത്തിന് അമേരിക്ക തയാറായത്.

ജോൺ എഫ്. കെന്നഡിയുടെ ആഗ്രഹം

ചാന്ദ്രദൗത്യം നടത്താൻ രാജ്യത്തെ ബഹിരാകാശ ശാസ്ത്രജ്ഞരോട് ആവശ്യപ്പെട്ടത് അമേരിക്കയുടെ എക്കാലത്തെയും മികച്ച ഭരണാധികാരിയെന്ന ഖ്യാതിക്ക് ഉടമയായ ജോൺ എഫ്. കെന്നഡിയാണ്. ബഹിരാകാശത്തേക്ക് ഉപഗ്രഹമയച്ചു തിരികെയെത്തിച്ചിട്ടു പോലുമില്ലാത്ത രാജ്യത്തോടാണ് പ്രസിഡന്റ് കെന്നഡി ഈ ആവശ്യം മുന്നോട്ടുവച്ചത്. അങ്ങനെയാണ് അപ്പോളോ ദൗത്യം ആരംഭിക്കുന്നത്. ഏകദേശം എട്ടു വർഷത്തെ നിരന്തരമായ കഠിനാധ്വാനത്തിന്റെ ഫലമാണ് 1969 ജൂലൈ 16-ന് ഫ്‌ളോറിഡയിലെ കെന്നഡി സ്‌പേസ് സെന്ററിൽ നിന്ന് ഇന്ത്യൻ സമയം രാത്രി 7.02-ന് വിക്ഷേപിക്കപ്പെട്ട അപ്പോളോ 11. നീൽ ആംസ്‌ട്രോങ്, എഡ്വിൻ ആൾഡ്രിൻ, മൈക്കൽ കോളിൻസ് എന്നിവരായിരുന്നു അപ്പോളോ 11-ലെ യാത്രക്കാർ. ഭീമാകാരമായ സാറ്റേൺ അഞ്ച് റോക്കറ്റാണ് മനുഷ്യരേയും കൊണ്ട് ചന്ദ്രനിലേക്കു കുതിച്ചത്. അപ്പോളോ 11 – ന്റെ ഭാരം 3,100 ടൺ ആയിരുന്നു. 36 നിലകളുള്ള ഒരു കെട്ടിടത്തിന്റെ ഉയരമുണ്ടായിരുന്നു സാറ്റേൺ അഞ്ച് റോക്കറ്റിന്; അതായത് ഏതാണ്ട് 110 മീറ്റർ ഉയരം.

അപ്പോളയ്ക്ക് മുമ്പ്
………………………..

അപ്പോളോ 11 -ന് മുമ്പ് 1967-ലും 1968- ലും ഉപഗ്രഹങ്ങളെ അമേരിക്ക ഭ്രമണപഥത്തിലെത്തിച്ചു. 1968 നവംബറിൽ മൂന്നു ബഹിരാകാശ സഞ്ചാരികളുമായി അപ്പോളോ ഏഴ് ബഹിരാകാശത്ത് 260 മണിക്കൂർ ചെലവഴിച്ചു. അടുത്തമാസം മൂന്നു ബഹിരാകാശ യാത്രികരുമായി അപ്പോളോ എട്ട് ഭൂമിയുടെ ഭ്രമണപഥവും കടന്ന് ചന്ദ്രന്റെ ഭ്രമണപഥത്തിലെത്തി. അപ്പോളോ എട്ട് ചന്ദ്രന്റെ ഉപരിതലത്തിന് 69 മൈൽ അടുത്തുവരെയെത്തി. പിന്നീട്, അപ്പോളോ ഒൻപതും പത്തും വിക്ഷേപിക്കപ്പെട്ടു. ഈ രണ്ടു പരീക്ഷണങ്ങളുടെയും ലക്ഷ്യം ചന്ദ്രനിൽ സുരക്ഷിതമായി എങ്ങനെ ഇറങ്ങാം എന്ന പരീക്ഷണങ്ങളായിരുന്നു. മനുഷ്യനെ ചന്ദ്രനിലിറക്കുന്നതിന് മുന്നോടിയായി ഏഴ് ഉപഗ്രഹങ്ങളാണ് അമേരിക്ക വിക്ഷേപിച്ചത്. അതും വെറും ഒരു വർഷത്തിനുള്ളിൽ.

ഒന്നു പിഴച്ചാൽ യാത്രക്കാരുടെ ജീവൻ പൊലിയുകയും കളങ്കിത ചരിത്രം രചിക്കപ്പെടുകയും ചെയ്യുമെന്ന് അമേരിക്കയ്ക്ക് അറിയാമായിരുന്നു. അക്കാരണത്താൽ സുരക്ഷയുടെ കാര്യത്തിൽ ഒരു വിട്ടുവീഴ്ചയ്ക്കും നാസ തയാറായില്ല. അപ്പോളോ നാലു മുതൽ 10 വരെ ദൗത്യങ്ങൾ നടത്തിയത് സുരക്ഷയിൽ ഒരു പിഴവും വരാതിരിക്കുക എന്ന ലക്ഷ്യംകൂടി മുൻനിർത്തിയാണ്. ഒന്നിലേറെ റോക്കറ്റുകൾ പരീക്ഷിച്ചതിനു ശേഷമാണ് സാറ്റേൺ അഞ്ചിലേക്ക് നാസ എത്തിച്ചേരുന്നത്.

subscribe

Twinz Chan wonderful music
-ട്വിൻസ്ചാൻ / രാജ്കുമാർ

Categories:

എ വണ്ടർഫുൾ ഡേ, വൈകാരിക നിമിഷങ്ങളും നർമവും കോർത്തിണക്കിയ ഹോളിവുഡ് ചിത്രം. മികച്ച നവാഗത സംവിധായകനും നിർമാതാവിനുമുള്ള ഒളിമ്പസ് ഫിലിം ഫെസ്റ്റിവൽ അവാർഡ് ഉൾപ്പെടെ മൂന്ന് അവാർഡുകൾ ചിത്രം ഇതിനോടകം കരസ്ഥമാക്കി. അമേരിക്കയിലെ ഷിക്കാഗോയിലും മിഷിഗണിലുമാണ് എ വണ്ടർഫുൾ ഡേ ചിത്രീകരിച്ചത്. കെൻവുഡ് ഫിലിംസ് ഇന്റർനാഷണൽ നിർമിച്ച സിനിമയുടെ ആദ്യ പ്രദർശനം ജൂലായ് 21 ന് മിഷിഗണിലെ സെലിബ്രേഷൻ സിനിമാസിൽ നടന്നു.

കേരളവുമായി ഈ ചിത്രത്തിന് ഏറെ ബന്ധമുണ്ട്. ചിത്രത്തിന്റെ സംവിധായകൻ റോമിയോ കാട്ടൂക്കാരൻ മലയാളിയാണ്. മലയാളി സംവിധാനം ചെയ്ത ചിത്രമാണ് എന്നേയുള്ളൂ. അഭിനേതാക്കളും അണിയറ പ്രവർത്തകരും ഹോളിവുഡിൽ നിന്നുള്ളവരാണ്. തികച്ചും ഒരു ഹോളിവുഡ് ചിത്രം. മറ്റൊരു മലയാളി ബന്ധവും ചിത്രത്തിനുണ്ട്. എ വണ്ടർഫുൾ ഡേയുടെ പശ്ചാത്തലസംഗീതം ട്വിൻസ്ചാൻ ആണ്. ഇരട്ട സഹോദരങ്ങളായ അനൂപ് റംഹാനും അരുൺ റംഹാനുമാണ് ട്വിൻസ്ചാൻ എന്ന പേരിൽ അറിയപ്പെടുന്ന സംഗീത പ്രതിഭകൾ. സംഗീത സഹോദരങ്ങളുടെ ഹോളിവുഡിലേക്കുള്ള ആദ്യ കാൽവയ്പ്പാണിത്. ചിത്രം കാണുന്നവർക്ക് അതിന്റെ സംഗീതം ഒരുക്കിയത് മറ്റൊരു ഭാഷയിൽ സംസ്‌കാരത്തിൽ ജനിച്ചുവളർന്നവരാണ് എന്ന് തോന്നുകയേ ഇല്ല. സിനിമയുമായി അത്രയും ഇഴുകിചേർന്ന് പോകുന്നതാണ് സംഗീതം. തീർച്ചയായും ട്വിൻസ്ചാന് ഒരു ബിഗ് സല്യൂട്ട് നൽകണം.

ബോധിയിൽ നിന്ന്

നേരത്തെ ട്വിൻസ് ട്യൂൺസ് എന്ന പേരിലാണ് അനൂപും അരുണും സംഗീതം ഒരുക്കിയിരുന്നത്. സംഗീതത്തിൽ കൈയൊപ്പു പതിപ്പിക്കാനും സംഗീത സഹോദരങ്ങൾക്ക് സാധിച്ചിട്ടുണ്. 2004-ൽ പുറത്തുവന്ന ബോധി എന്ന ആൽബത്തിലൂടെയാണ് ട്വിൻസ്ചാൻ ശ്രദ്ധിക്കപ്പെട്ടത്. ആൽബത്തിലെ ശ്രീ ശ്രീ തിലകം നീ എന്ന ഗാനം ഇന്ത്യ മുഴുവൻ ഏറ്റുപാടി. ക്രിക്കറ്റ് താരം ശ്രീശാന്ത് ലോകകപ്പ് ടീമിൽ ഉൾപ്പെട്ടതിന്റെ ആഹ്ലാദമാണ് ബോധിയായി പെയ്തിറങ്ങിയത്. ബോധിയിൽ മലയാളത്തിലും ഇംഗ്ലീഷിലുമായി എട്ടു ഗാനങ്ങളാണ് ഉണ്ടായിരുന്നത്. 2008-ൽ പൃഥ്വിരാജ് നായകനായ വൺ വേ ടിക്കറ്റിലൂടെ ട്വിൻസ്ചാൻ മലയാള സിനിമയിലും മാന്ത്രിക സംഗീതം ഒരുക്കി. എൻ ഖൽബിലൊരു… എന്ന ഗാനം സൂപ്പർ ഹിറ്റായി. പിന്നീട് കൊച്ചിയിലും മുംബൈയിലും ബംഗളൂരുമായി നിരവധി പരസ്യചിത്രങ്ങൾക്കും ഇവർ സംഗീതം നൽകി. കാനേഡിയൽ എഫ്എം കമ്പനിക്കായി തയാറാക്കിയ സിഗ്‌നേചർ സോങ് ട്വിൻസ്ചാൻ എന്ന പേര് കടലുകൾക്കപ്പുറം എത്തിച്ചു. ട്വിൻസ്ചാന്റെ ഹോളിവുഡ് സ്വപ്‌നങ്ങൾക്ക് വർണച്ചിറകുകൾ നൽകിയതും ഈ സിഗ്‌നേചർ സോങ്ങാണ്.

പുതുമുഖങ്ങളും കാവ്യദളങ്ങളും

പുതുമുഖങ്ങൾ തേവൈ എന്ന തമിഴ് ചിത്രമാണ് ട്വിൻസ്ചാന്റെ കരിയർ ഗ്രാഫ് ഉയർത്തിയത്. 2012-ൽ പ്രദർശനത്തിനെത്തിയ ചിത്രത്തിന്റെ ഓഡിയോ പുറത്തിറക്കിയത് സോണി മ്യൂസിക്കായിരുന്നു. അതോടെ ട്വിൻസ്ട്യൂൺസ് സംഗീത വിപണിയിൽ വിലപിടിപ്പുള്ള പേരായി വളർന്നു. മനീഷ് ബാബു സംവിധാനം ചെയ്ത പുതുമുഖങ്ങൾ തേവൈയിലെ കറുവിഴി, എൻ ഉയിരിൽ എന്നീ ഗാനങ്ങൾ വലിയ ഹിറ്റുകളായി. ഹരിചരണും ശ്വേത മോഹനുമാണ് കറുവിഴി… പാടിയത്. തമിഴ് സിനിമയിലെ ഇതിഹാസം ബാലു മഹേന്ദ്ര, പുതുതലമുറയിലെ പ്രമുഖ സംവിധായകരായ വെങ്കട് പ്രഭു, ചേരൻ, യുവതാരം ജയം രവി എന്നിവർ ചേർന്നാണ് ചിത്രത്തിലെ ഗാനങ്ങൾ സംഗീതപ്രേമികൾക്ക് നൽകിയത്.

subscribe

ഒരു പാലക്കാടൻ പ്രണയം
-ശൈലൻ

Categories:

പാലക്കാട് വഴി മാസത്തിൽ ഒരു തവണയെങ്കിലും കടന്നുപോകാറുണ്ട്, കുറച്ച് കാലമായിട്ട്. പാലക്കാട് എന്ന നഗരവും ചുറ്റുമുള്ള നാടും കൗമാരകാലം മുതലേ പ്രിയപ്പെട്ടതാണ്. കരിമ്പനകൾക്കിടയിലെ നിഴലായി മാറാൻ വേണ്ടി മാത്രം നടത്തിയ പോക്കുവരവുകകൾ. തസ്രാക്കിലെ മന്ദാരങ്ങളിൽ കാറ്റാടി കൂടുകൂട്ടാൻ നടത്തിയ അലച്ചിലുകൾ. കാണുന്നതിലെല്ലാം ഖസാക്കിനെയും അതിലെ ആത്മാംശത്തിനെയും ആരോപിച്ചുകൊണ്ടു നിർവൃതിപ്പെട്ട കാലങ്ങൾ. അങ്ങനെ നോക്കിയാൽ പാലക്കാടിനോളം ഞാൻ മറ്റൊരു ജില്ലയെ സ്‌നേഹിച്ചിട്ടുമുണ്ടാവില്ല. എന്നിട്ടും യാക്കരയിലെ ഈ കടയെക്കുറിച്ച് കേൾക്കാൻ വൈകി. യാക്കര വഴി തന്നെ എത്രയോ തവണ ഒഴുകിപ്പോയിരിക്കുന്നു. എന്നിട്ടും..

റിയാസിന്റെ കട അല്ലെങ്കിൽ ഹോട്ടൽ റിയാസ്. അതുമല്ലെങ്കിൽ യാക്കാരയിലെ മീൻകട. ഈയിടെയാണ് അതിനെക്കുറിച്ച് കേട്ടത്. കേട്ടതും പിന്നെ താമസിച്ചില്ല. പാലക്കാട് നിന്ന് അഞ്ച് കിലോമീറ്റർ കഷ്ടിയെയുള്ളൂ യാക്കരയിലേക്ക്. ഗൂഗിളിലിട്ടപ്പോൾ വണ്ടി കൊടുവായൂർ മീനാക്ഷിപ്പുറം റോഡിലൂടെ പോയി ഹോട്ടലെന്ന് ഒട്ടും പറയപ്പെടാൻ സാധ്യത ഇല്ലാത്ത ഒരു ചെറിയ കെട്ടിടത്തിന് മുന്നിൽ നിന്നു. സംശയത്തോടെ സൈഡാക്കി നോക്കുമ്പോൾ ചുമരിൽ പൂതാക്കണ്ണാടി വച്ചാൽ മാത്രം കാണാവുന്ന ഒരു ബോർഡ് സ്ഥിതി ചെയ്യുന്നുണ്ട്. സംഭവം ഇതുതന്നെ.

പക്ഷേ, ഒരു ആളിനേം കാണാനില്ല. ആരോടെങ്കിലും ചോദിക്കാമെന്നുവച്ചാൽ അതിനു പരിസരത്തൊന്നും ആളില്ല. അതിനിടെ, ബൈക്കിൽ ഒരാൾ വന്ന് എന്തൊക്കെയോ സാധനങ്ങൾ ഇറക്കിവയ്ക്കുന്നു. ഇവിടെ ഇന്ന് പ്രവർത്തനമില്ലേ എന്ന് ചോദിച്ചപ്പോൾ കൂളായ മറുപടി.

‘ഓ ഉണ്ടല്ലോ.. ഒരു പത്ത് മിനിറ്റ്.. ഒന്നു ക്‌ളീനാക്കിക്കോട്ടെ’

അതും പറഞ്ഞ് സാധനങ്ങളും കൊണ്ട് ടിയാൻ ഉള്ളിലേക്ക് നിഷ്‌ക്രമിച്ചു. സമയം ഉച്ചയ്ക്ക് 12. 30 ആയി. കാത്തിരിപ്പ് നീണ്ടുതുടങ്ങി. 10 മിനിറ്റ് കഴിഞ്ഞു, 15 മിനിറ്റ് കഴിഞ്ഞു, 20 മിനിട്ടും കഴിഞ്ഞു. ക്ഷമ കെട്ടു. ഉള്ളിലേക്ക് അതിക്രമിച്ചു കടന്നു. ആയില്ലേ എന്ന് ചോദിക്കാൻ ഒരുങ്ങും മുൻപ് തന്നെ കേട്ടു.

subscribe

ദുഷ്ടൻമാരുടെ നാട്ടിൽ നിന്ന് നിഷ്‌ക്കളങ്കരുടെ നാട്ടിലേക്ക്
-അരുൺ

Categories:

കോട്ടയത്തെ ചുട്ടുപൊള്ളുന്ന ചൂട് സഹിക്കാൻ വയ്യാതെയാണ് വിഷു അവധിദിനത്തിൽ സ്വന്തം നാടായ തൊടുപുഴയിൽ എത്തിയത്. പച്ചപ്പാണ്, കോടമഞ്ഞ് ഇറങ്ങുന്ന സ്ഥലമാണ്, സ്വർഗമാണെന്നൊക്കെ ഇടുക്കിയെക്കുറിച്ച് പറയുമെങ്കിലും ഇപ്പോൾ ഇവിടം നരകമാണ്. വറചട്ടിയിൽ കിടക്കുന്ന ഫീലാണിപ്പോൾ ഇടുക്കിക്ക്. വീട്ടിലിരുന്ന് പുകഞ്ഞുമരിക്കുന്നതിലും നല്ലത് കാറിൽ എസി ഇട്ട് കറങ്ങുന്നതാണെന്ന് തോന്നിയപ്പോൾ അവധിക്ക് നാട്ടിലെത്തിയിട്ടുള്ള ചങ്കുകൾക്ക് മെസേജ് ചെയ്തു. എന്നാൽ, സനൽ മാത്രമായിരുന്നു എന്നെപോലെ ഒരു പണിയും ഇല്ലാതെ വീട്ടിൽ ബോറടിച്ചിരുന്നത്. എങ്ങോട്ട് പോകും എന്നായിരുന്നു പ്രധാന പ്രശ്‌നം. എവിടെ പോയാലും സഹിക്കാവുന്നതിലും അപ്പുറമുള്ള ചൂട്. അവസാനം വനത്തിൽ കയറാൻ തീരുമാനിച്ചു.

വീടിന് അധികം അകലെയല്ലാത്ത തൊമ്മൻകുത്ത് വനത്തിലേക്കായി ഞങ്ങളുടെ യാത്ര. വനത്തിന് ഉള്ളിലേക്ക് കുഞ്ഞുനാൾ മുതൽ കാണുന്ന ഒരു വഴിയുണ്ടായിരുന്നു. അത് എങ്ങോട്ടാണെന്ന് മാത്രം ഇന്നും അവ്യക്തമായിരുന്നു. മെയിൻ റോഡിൽ നിന്ന് ആ വഴി കാർ കയറ്റി. പലസമയത്തും കാറിന്റെ അടി റോഡുമായി മുത്തമിട്ടു. ചെറുപ്പത്തിൽ ഈ വഴിപോയിട്ടുണ്ടെന്നും വനത്തിന് ഉള്ളിൽ ഒരുപടുകൂറ്റൻ മാവുണ്ടെന്നും സനൽ പറഞ്ഞു. കുറച്ച് ദൂരം സഞ്ചരിച്ചപ്പോൾ ആ മുത്തശ്ശിമാവിന്റെ ചുവട്ടിലെത്തി.

കണ്ണേത്താ ദൂരത്തിൽ നിറയെ മാമ്പഴങ്ങൾ. കല്ലും കമ്പും എടുത്ത് സനൽ എറിഞ്ഞുനോക്കിയെങ്കിലും മാവിന്റെ പകുതിക്കൽ പോലും എത്തിയില്ല. കൊടും വേനൽ, വന്യമൃഗങ്ങൾ ഇറങ്ങാൻ സാധ്യതയുള്ളതു കൊണ്ട് ശ്രദ്ധിച്ചായിരുന്നു ഞങ്ങളുടെ നിൽപ്പ്. മാവിന്റെ ചുവട്ടിൽ കിടന്നിരുന്ന മാമ്പഴങ്ങളിൽ ഏതോ വന്യമൃഗം കടിച്ചതിന്റെ പാടുകളുമുണ്ടായിരുന്നു. പെട്ടെന്നായിരുന്നു കരിയിലകൾ അനങ്ങുന്ന ശബ്ദം കേൾക്കുന്നത്. പണ്ട്, കാരയ്ക്ക പറിക്കാൻ കാട്ടിൽ കയറുമ്പോൾ കാട്ടുപന്നി വരാറുള്ളതാണ് ഓർമയിൽ വന്നത്. ഓടിക്കോ. എന്നു പറഞ്ഞതും ഞങ്ങൾ ഓടി കാറിൽ കയറി. പതിയെ ആ ജീവി മാമ്പഴം കഴിക്കുവാനായി വെളിയിൽ വന്നു. ഒരു മുഴുത്ത മുള്ളൻ പന്നി. ഞങ്ങളെ കണ്ടിട്ടാണോ അതോ മാമ്പഴം കിട്ടാഞ്ഞിട്ടാണോ ആശാൻ പതിയെ കാടിനുള്ളിലേക്കു തന്നെ മറഞ്ഞു.

subscribe